خلال استضافتها في برنامج “معكم” الذي تقدّمه الإعلامية منى الشاذلي عبر قناة cbc، فجّرت مطربة الأوبرا المصرية مي فاروق مفاجأة من العيار الثقيل حيث كشفت سبب استقالتها من دار الأوبرا، وسرّ غيابها عن الساحة الغنائية وحفلات الدار منذ أشهر عدة.
وقالت مي: “أنا بغنّي في دار الأوبرا من عمر ثماني سنوات، واستقلت لأني ما شعرت إني حصلت على القدر الكافي اللي بيليق بيّا”.
وأضافت: “أنا بحب دار الأوبرا لكن فكرة إني موظفة دي مقيداني طول الوقت ومش بتخليني أحصل على القدر الكافي بي كمطربة… قررت تقديم استقالتي من دار الأوبرا علشان أرفع عنهم وعني الحرج لأني مش باخد المساحة اللي بستحقها داخل الدار”.
واختتمت مي فاروق بالقول: “أنا مش مقصّرة في عمل حفلات داخل مصر، ولكن مبقتش اتطلِب لا في دار الأوبرا ولا مسارح أخرى، داخلين في سنة وستة شهور مفيش دعوة واحدة جاتلي من دار الأوبرا، عموماً أنا موجودة ولو اتطلب مني أي حفلة هوافق علطول ولكن مش هروح وأنا مش بطّلِب… دار الأوبرا ده بيتي ومكاني من صغري، وأنا عمري ما هتبرأ منه، وأنا بحب جمهور الأوبرا اللي هو مني وأنا منه”.