شنّت الفنانة الكبيرة شهيرة حملة هجوم على منتقدي سقوط الفنانة شيرين عبد الوهاب على مسرح الحفل الذي أحيته أخيراً في دبي.
ونشرت شهيرة عبر حسابها الشخصي في موقع التواصل الاجتماعي “فيسبوك” صوراً لشيرين عبد الوهاب من الحفل، وعلّقت عليها قائلةً: “شوفوا بقى أنا عمري ما اتكلمت في أي وقت عن أزمة شيرين لأنها حاجة شخصية وندعيلها وخلاص ربنا يخرّجها منها على خير”. وأضافت: “لكن اضطريت اتحشر لأن اللي بيحصل ده كتير كلنا عارفين أزمتها والست بتحاول وتجاهد تخرج منها بأنها بتسترد نفسها وفنها وتاريخها الجميل اللي طالما أسعدتنا بيه، فلا نقسو عليها ولا نكسرها لمجرد أنها وقعت على المسرح زيها زي كتير ونجيب القديم والجديد إيه يعني؟ بنتلكك ولا إيه!”.
واختتمت شهيرة تعليقها بالقول: “شيرين في النهاية إنسانة تخطئ وتصيب، وشيرين زي ما أنتم عارفين، من المطربات السوبر اللي يتعدّوا على أصابع اليد الواحدة، ولا نريد أن نخسرها وهي تحتاج لجمهورها اللي بيحبها لا تحبطوها هي تريد المساندة وبتقولكم أنا رجعت أهو لحضنكم فلنمد لها يد الحب والعطاء، فقد أعطتنا سنين طويلة أمتعتنا فيها بفنها فلا نبخل عليها بيد الاحتواء والمساندة… على فكرة عمري ما اتقابلت أنا وشيرين شخصياً ولكنها كتلة مشاعر”.