نشرت الفنانة جوري بكر عبر خاصية القصص المصورة الملحقة بحسابها الخاص في “فيسبوك” رسالة غامضة وجّهتها الى جمهورها، أقلقتهم بها عليها ودفعتهم للتساؤل عما تمر به.
وكتبت جوري في رسالتها: “خليكم مقتنعين دائماً بأن مش كل اللي بتشوفوه حقيقي ومش كل اللي بنزله حقيقي ممكن ورا الصورة والضحكة اللي نزلت دي الكواليس بتاعتها كانت كلها كسرة وغضب وعياط وتعب نفسي وتعب جسدي وحاجات تانية كتيرة”.
وأضافت: “رسالتي اللي عايزة أوصلها مفيش حد بيحب يشارك الناس اللي بتتابعه اللي هي أصلاً فيها اللي مكفيها حاجات سلبية بس لازم أديكم أمل في بكرا وإن ربنا بيعوض لأن ربنا مش بيحب الحاجات الوحشة، ادعوا لبعض واتمنوا الخير لبعض متعرفوش ربنا خد إيه مني أو من غيري عشان يكرمني بأي حاجة تانية في حياتي”.
وكانت جوري بكر قد واجهت في الفترة الماضية شائعة طلاقها من زوجها، وعلّقت عليها من خلال حسابها في “إنستغرام” قائلةً: “أنا بخير الحمد لله وزوجي الراجل المحترم بخير وربنا يكرمنا إن شاء الله ونشوف ابننا على خير ادعولنا بس وكفايا إشاعات أرجوكم أعصابي تعبت والله تعبت يارب تكونوا مبسوطين كدا ومتطمنين حياتي الخاصة خط أحمر”. وأضافت: “على فكرة أنا بخير ومفيش أي حاجة من الإشاعات اللي بتطلّعوها عليا حصلت ومحدش يدخل يمثل ويقولي خير حبيبتي مالك؟ ما انتو مش بتسألوا غير في المصايب لكن غير كده لا… هفضل طول عمري صريحة وأقول اللي في قلبي لأني مبخافش غير من اللي خلقني”.