نشرت الفنانة بدرية طلبة على حسابها الخاص بـ”فيسبوك” رسالة وجهت من خلالها رسالة إلى شخص لم تذكر اسمه ردت بها على اتهاماته لها بالخضوع لعمليات تجميل غيرت من شكلها.
ونشرت بدرية صورا من مسلسل “الأجهر” آخر عمل شاركت فيه والذي عرض في رمضان 2023، وفيه قدمت دور امرأة شعبية وظهرت من دون وضع مكياج لتثبت أنها لم تغير في شكلها شيئاً.
وأكدت بدرية في منشورها أن الصور التي تنتشر لها وتظهر فيها بشكل مختلف إما أن تكون وضعت مكياجًا غير من شكلها، أو تكون الصور معدلة باستخدام “فلتر”.
وقالت: “دي صور من أعمالي قبل رمضان وفي رمضان علشان اللي بيقول عمليات التجميل خلتني واحدة تانية مش أنا، وإني بعمل تجميل علشان أبقى حلوة يمكن أعمل دور هانم ومش هيليق عليا علشان أنا شكلي وصوتي شعبي! في حاجة اسمها تجميل بالميكب وفيه حاجة اسمها فلاتر العالم كله بيستخدمها يتصور بيها”.
وتابعت: “اللي عايزة تحلي نفسها مش هتطلع تقول سنها وتحكى عن أحفادها وتعمل أدوار زي اللي بعملها أنا بعمل اللي أحافظ بيه على شكلى وعلى نفسي ودا الست العادية بقت تعمله والشعبية اللي مش عجباك شرف ليا إني معجبش واحد زيك”.
واختتمت بدرية رسالتها قائلة: “شوف بقي حاجة تانية قولها علشان أنا لسة زي مانا العالم كله بيحبني ومحدش أخد ولا يقدر ياخد مكاني، بدرية طلبة ملكة الكوميديا في مصر والوطن العربي غصب عنك وعن اللي زقك وعن اللي شبهك”.
يذكر أن بدرية طلبة شاركت في رمضان 2023 في مسلسل “الأجهر” مع عمرو سعد ودرة وسيد رجب، أنوشكا، عمرو عبد الجليل، أحمد مجدي، أحمد صفوت، نور النبوي، عارفة عبد الرسول، سارة سلامة، ناهد السباعي، الفنان القدير خالد زكي، الفنان القدير محمود قابيل والعمل من تأليف ورشة ملوك، وإخراج ياسر سامي.
كما شاركت في مسلسل “رمضان كريم 2” مع سيد رجب، بيومي فؤاد، سلوى عثمان، صبري فواز، محمد لطفي، أحمد صيام، نجلاء بدر، نهى صالح، كريم الأبنودي، كريم عفيفي، ويزو، إنعام سالوسة، سلوى خطاب، والمسلسل من تأليف أحمد عبد الله، وإخراج سامح عبد العزيز.