فاجأ الفنان صبري عبد المنعم الجميع بالكشف عن تفاصيل تعرّضه للنصب على يد أحد أصدقائه في الوسط الفني، وخسارته 1.9 مليون جنيه.
وقال صبري في مداخلة مع برنامج “ملفات”: “اللي نصب عليا واحد أعرفه من 10 سنين وبنقعد مع بعض، جيت قولتله عايز أبيع الشقة دي تحويشة 50 سنة شغل، وعشان عيالي ياخدوا الفلوس، وعملت عملية لمدة شهرين في القلب وكنت تعبان وبيجيلي ألزهايمر من حين لآخر”.
وأضاف: “بعد أسبوعين جالي وقاللي جبتلك مشتري للشقة وادتله عقود الشقة، هو شخص من الوسط ولكن غير التمثيل، ومش هقدر أكشف شخصيته عشان في تحقيقات… وأنا عمري ما خنت حد ولا عديت فلوس ورا حد”.
وتابع: “نزلت معاهم البنك وكان الشيك بالدولار وقالولي اسأل بعد 45 يوم، ورحت ولقيت التوكيل بتاع المشتري مكتوب باسم واحدة مش واحد اللي أنا مضيت عليه، ورحت معاهم وأنا في حالة مزرية وتعبان جداً، ومخدتش ولا جنيه”.
وكانت النيابة العامة قد استمعت إلى أقوال النجم المصري، حيث أفاد بأن المتهمين أوهموه بشراء شقته بعقود موثّقة، وبعد تحرير العقود هربوا ولم يدفعوا المبلغ المتفق عليه لقاء بيع الشقة.