حلّت الفنانة أمينة خليل ضيفةً على برنامج “طريق تالت” الإذاعي حيث كشفت العديد من أسرار حياتها الخاصة.
وفي البداية، قالت أمينة إن عائلتها لعبت دوراً كبيراً في بناء شخصيتها: “أهلي مسكوا إيدي في الطريق اللي اخترت أمشي فيه، شخصيتي أو شغلي أو اختياراتي في الحياة ومفرضوش عليا طريق معين”.
وأضافت: “بابا وماما حنينين ومتفتحين العقل وخلوني أنشأ في بيئة متفتحة التفكير ومهتمين جداً بتعليمي والبيت يبقى كويس وسعيد على قد ما يقدروا… ودعموني جداً لما قررت أبقى ممثلة رغم الضغوط من أفراد تانية من العيلة لإنه مكنش قرار سهل بس دلوقتي الموضوع بقى متقبل أكتر”.
وعن علاقتها بأصدقائها، قالت أمينة: “الأصدقاء بياخدوا حيز كبير جداً من حياة أي بنت، سواء بنات أو شباب، في أصدقاء ليا مهمين جداً مع نجاحي عمرهم ما غيروا طريقتهم معايا… ولا حسيت إن في استغلال للنجاح بتاعي”.
أما الذين تخاذلوا معها، فقالت عنهم: “وفي ناس تانية اتغيروا معايا وظهروا على حقيقتهم وعيطت بدل الدموع دم كتير لإني حاسة إني اتخذلت وأنا كنت بحبهم أوي”.
وأشارت إلى أنها تحاول دائماً عدم التأثّر بما تمر به موضحةً: “بحاول لما أكتشف الحقيقة مقلبش إنسانة خوّافة وعيني في وسط راسي وأعمل ألف حساب لأي شخص”.
وكشفت أمينة عن أقرب شخصية إليها بالقول: “دكتورة ليلى سعد هي أمي الروحية وصديقتي المقرّبة وبتتفرج على كل أفلامي ومسلسلاتي وعارفة كل حاجة في حياتي كانت بتدرس لي تمثيل وحببتني في الفن”.
أما عن مسلسلها المفضّل، فقالت: “بحب مسلسل “عائلة الحاج متولي”، وكنت عاوزه أعمل أدوار كل الستات وكنت بتفرج عليه وبقول عاوزة أبقى زي غادة عبد الرازق… واتفرجت عليه عشرين مليون مرة”.
وتحدّثت أمينة أيضاً عن الدور الأهم الذي قدّمته في مسيرتها الفنية، قائلةً: “كل الأدوار اللي عملتها بحبها وأثّرت فيا بس “نازلي” في “غراند أوتيل” كان طفرة في حياتي… كان في روح موجودة في المسلسل ده مش هتتعوض وكنا كلنا صغيرين أوي”.