حلّ المخرج محمد سامي ضيفاً على برنامج “the insider بالعربي”، حيث ردّ على سؤال المذيع حول ما إذا كانت مبادرة الفنانة غادة عبد الرازق بردّها على منشور له عبر “إنستغرام” خطوة لعودة التعاون بينهما، قائلاً: “الله يوفّقها ويكتب لها الخير… هي في حالها”. وعن إمكانية أن يعملا معاً مرة أخرى، قال سامي: “أنا بأشتغل لقدام بأنجح في شغلي وأبص على اللي بعده واللي جاي، مفيش مجال أبص على خلافات قديمة ولا على أمور فاتت”.
وكانت غادة عبد الرازق قد علّقت على منشور لمحمد سامي عبر حسابه الخاص في “إنستغرام”، ضمّنه الآية الكريمة: “وينصرك الله نصراً عزيزا”، وعلّق عليه بقوله: “ما تخافش إنك تجرب وتقول لحسن أقع، لأن نصر الله ليك هيقومك تاني ويخليك تلمس السحاب لو أراد، ماتهتمش لو حصلك في يوم أزمة ولقيت ناس بتشمت فيك، لأني ده بيخلي ربنا يبقى حليفك وينصرك عشان هو العدل، المهم إنه بعد نصره ليك أوعي تتغر وتكون شايل في قلبك كراهية وانتقام تجاه الناس وحتى الناس اللي حاربوك أو شمتوا فيك، بالعكس خلّي قلبك مليان محبة وخير، عشان ربنا ينصرك تاني وتالت ودايماً، الكراهية بتجيب فشل وعدم تيسير ووقف حال، والمحبة بتجيب نجاح وتيسير وخير ورزق، اللهم إجعل قلوبنا عامرة بالمحبة والخير ونظّف قلوبنا من الشر والانتقام، يا رب حقق لكل واحد بيحلم حلمه وطموحه ومتخليش حد يعيش في كرب بسبب عدم تحقيقه لما يتمنى، يارب أرزق كل الناس ونجّح كل زمايلي وأرزقهم التيسير والقبول”.
وعلّقت غادة على المنشور بقولها: “ونِعم بالله”. لتفتح بذلك باب التكهنات حول صلحها مع محمد سامي بعد خصام دام سنوات عدة.