خرجت الفنانة لقاء سويدان في فيديو بث مباشر عبر حسابها الخاص في “إنستغرام” للرد على الهجوم الذي شنّته عليها بعض البرامج بعد أزمتها الأخيرة مع الفنان ميدو عادل، مؤكدةً أن سبب هذا الهجوم هو رفضها الظهور في هذه البرامج.
وقالت لقاء: “أنا مش عايزة أرد رغم إني بتهاجم في البرامج لأنهم بيتصلوا بيا وبيقولوا إعملي مداخلة في التليفون وتعالي عشان تردّي، هل أنا المفروض أروح برنامج أنا عارفة أن هيبقى في هجوم وهتبقى لو في مشكلة هتكبر ونقعد نتبادل بقى، لو في خلاف بيني وبين زميل مش هطلع أشتم فيه في برنامج دي مش أخلاقي، أنا برفض أطلع في برنامج عارفة إنه هيجرّني لخلاف أكبر من اللي موجود ف اتشتم معنديش مشكلة ياما في نجوم أكبر مني واتشتموا”.
وأضافت: “مش هقول بالظبط إيه اللي حصل أنا هقوله قدام جهات التحقيق الموضوع من 26 أغسطس وأنا مقدمة مذكرة مش عشان حاجات حصلت في حقي أنا بس لكن عشان تجاوزات كتير حصلت، أنا ست متربية في المسرح من وأنا صغيرة واشتغلت مع سعاد حسني وأحمد زكي وأنا عندي 9 سنين سنة 1983 ولكل الناس أنا عندي 49 سنة ومش متضايقة من سني وآه أنا كبيرة الحمد لله بصحتي ومبسوطة إن ربنا مدّيني صحة وشكل مناسب ليا في السنّ دا”.
واختتمت لقاء سويدان حديثها بالقول: “الناس اللي بتدخل تشتم اللجان الإلكترونية أسهل حاجة إني أرد لكن دي مش أخلاقي اللي بيفرق معايا الناس الحقيقة أصحابي اللي بيحبوني وواقفين جنبي”.
وكانت مشادة كلامية قد نشبت بين لقاء سويدان وميدو عادل، في ختام مسرحية “سيد درويش”، التي قُدّمت على مسرح البالون، وذلك بعدما اتهمت لقاء ميدو بسبّها والسخرية منها، مما دفعها لصفعه وسط أبطال العرض المسرحي، بعد إسدال الستارة.