بعد تصريحات ريم طارق التي اتّهمت فيها طليقها مطرب المهرجانات حسن شاكوش بالخيانة وأنها عاشت معه أسوأ أيام حياتها، خرج الأخير عن صمته للرد على الاتّهامات الخطِرة التي وجّهتها إليه طليقته.
ونشر شاكوش فيديو عبر حسابه في موقع التواصل الاجتماعي “فيسبوك” كشف فيه تفاصيل أزمته مع طليقته، وعلّق عليه بقوله: “مساء الخير يا جماعة، يمكن من ساعة الحوار ما خلص ومن آخر فترة أنا كتبت فيها وقولت إني هسكت ومش هحكي أي تفاصيل عن إنسانة كانت في يوم من الأيام عايشة معايا ومراتي احتراماً للعِشرة واللي كان بنا”.
وأضاف: “عارفين بعد كل فترة بيحصل فيها كلام كتير أو ضغط من كل اللي حواليا ببقى عايز أطلع وأحكي تفاصيل كتيرة أدافع بيها عن نفسي بس برجع وأقول هردّ بكلام والكلام هيجيب كلام ومش هنوصل لحلول، بس كل اللي أقدر أقولو إن مفيش عين تصدّق غير اللي تشوفو… ربنا يهدي الجميع ويعدّينا منها على خير، وآسف إن طوّلت عليكم”.
وكانت ريم طارق قد كشفت خلال استضافتها في برنامج “90 دقيقة”، الذي تقدّمه الإعلامية بسمة وهبي على فضائية “المحور” عن أسباب طلاقها من حسن شاكوش والأزمات التي تعرضت لها بسبب المشاكل بينهما، متهمةً إياه بخيانتها مع ممثلة مشهورة. إذ قالت: “الطلاق حصل بالفعل، أنا اتحملت اللي ما حدّش يتحمله من رابع يوم جواز وكل يوم بشوف قصة وموضوع، كفاية إني كنت مهدّدة إني أقعد في البيت أو إني أخرج من البيت ما أعرفش أرجع”.