كشف الفنان أمير كرارة، خلال لقاء له مع برنامج ET بالعربي، عن استيائه من الهجوم الذي تعرض له مؤخرًا بسبب اجتزاء تصريحه عن عدم مشاهدته التلفزيون.
وقال كرارة: “هو في حد مش بيفترج على التلفزيون الناس خدت جزء معين منه واتهاجم بطريقة غريبة ما فهتمهاش، ولكن ده الهجوم الوحيد اللي ما اضايقتش منه بالعكس كنت بضحك، وكل ما حد كان يهاجمني أو يكتب تعليقات أضحك، مش بضايق من الهجوم.. بضحك مش بضايق كان قصدي مش بتفرج على تلفزيون لأني بصور من شهر 10 لـ 6 وكنت بنام وأنزل واتسألت كتير أنت شفت مسلسلات إيه فقلت مش بشوف حاجة”.
وتحدث أمير عن مسلسل “سوق الكانتو” قائلًا: “مسلسل محترم وله شكل مختلف عن كل اللي موجود حاجة كويسة جدًا، والعمل ماكانش فيه حاجة ناقصة، كل مسلسل له جمهوره مفيش حد هيجتمع على مسلسل واحد الناس بتشوف كل حاجة وبتتفرج على كل المسلسلات”.
يذكر انه يعرض حالياً لأمير كرارة فيلم “البعبع”، ويشاركه في بطولته كل من ياسمين صبري ومحمد عبد الرحمن وإخراج حسين المنباوي، وتدور أحداثه حول بلطجي يتوب عن الإجرام ويتعرض إلى عديد من المواقف الكوميدية.